تعلیمی بورڈز میں کنٹریکٹ پر رکھے گئے ریٹائرڈ ملازمین کو فارغ کرنے کا فیصلہ

محکمہ ہائر ایجوکیشن نے پنجاب بھر کے تعلیمی بورڈز میں کنٹریکٹ پر رکھے گئے ریٹائرڈ ملازمین کو فارغ کرنے کا حکم دے دیا۔

علاوہ ازیں محکمہ ہائر ایجوکیشن نے نوکریوں سے فارغ ملازمین کو دوبارہ بھرتی کرنے کا بھی نوٹس لیا ہے۔

جاری مراسلے میں کہاگیا ہے کہ نوکریوں سے ایک بار نکالے گئے ملازمین کو دوبارہ رکھے جانے والے ملازمین کو بھی فارغ کیا جائے گا۔

مراسلے میں کہا گیاہے کہ ملازمین کو نوکری سے فارغ کرکے رپورٹ محکمہ کو بھیجوائی جائے، کوتاہی برتنے والے چیئرمینوں کے خلاف کارروائی کی جائے گی ۔