پنجاب ایجوکیشن فاؤنڈیشن نے این او سی کی پابندی لگادی

پیف سکولوں کے مالکان کو بھی بیرون ممالک جانے کےلئے این او سی لینا ہوگا ۔

اس سلسلے میں جاری مراسلے میں کہاگیا ہے کہ پیف کو اپنے پارٹنر سکو ل مالکان سے باربار رابطہ کرنا پڑتا ہے، اور ان کو ریجنل یا ہیڈ آفس بھی طلب کیا جاتا ہے ۔

مگر مشاہدے میں آیا ہے کہ سکول مالکان اکثر بیرون ممالک ہوتے ہیں ، اور اپنے سفر کے بارے میں پیف کو آگاہ نہیں کرتے ، جس کی وجہ سے امور کو نمٹانا مشکل ہوجاتا ہے۔

اس لئے تمام سکولوں کے سربراہوں کو ہدایت کی جاتی ہے کہ بیرون ممالک سفر کرنے سےایک ہفتے قبل سکول کے لیٹر ہیڈ پر بیرون ملک سفر، قیام اور سکول کے معاملات چلانے والے تعینات شخص کے بارے میں آگاہ کیا جائے گا۔

اگر کوئی مالک بیرون ممالک سفر سے قبل آگاہ نہیں کرے گا، اس کے خلاف قانون کے مطابق کارروائی ہوگی ۔