این سی سی کے بعد درخت پالیسی،طلبا کو 20 نمبر ملیں گے

سرسبز پاکستان کےلئے طالب علموں کا درخت لگانے کے بدلے نمبر دینے کی پالیسی تیارہے ماضی میں کالجز میں طلبا کو نیشنل کیڈیٹ کور کا حصہ بننے پر 20 نمبر ملتے تھے، اسی پالیسی کو مدنظر رکھتے ہوئے اب حکومت نے طلبا کودرخت لگانے کے بدلے نمبر دینے کی پالیسی تیار کی ہے۔

حکومت نے سرسبز پاکستان کا خواب پورا کرنے کےلئے ہر طالب علم کو 20 درختوں کے بدلے 20 نمبر دینے کی پالیسی لانے کافیصلہ کیا ہے، یہ بیس نمبر ان کے سیلیبس کا حصہ ہوں گے۔ اراکین اسمبلی کی باہمی مشاورت سے بل منظور کیا جائے گا۔