خواتین سکولز استاتذہ کےلئے بڑی خوشخبری

 محکمہ سکولز نے حاملہ اور شیر خوار بچوں کو دودھ پلانے والی خواتین اساتذہ کو کورونا ویکسی نیشن سے استثنیٰ دے دیا ہے۔
بتایا گیا ہے کہ کل پیر سے تعلیمی ادارے کھل رہے ہیں، سکول ایجوکیشن ڈپارٹمنٹ نے اساتذہ کیلئے لازمی ویکسی نیشن کی شرط رکھی تھی تاہم حاملہ ٹیچرز اور بچوں کو فیڈ کروانے والی اساتذہ کو ویکسی نیشن سے استثنیٰ دے دیا گیا ہے۔ وہ اپنی صحت کو مدنظر رکھتے ہوئے ویکسی نیشن کا فیصلہ کر سکتی ہیں۔

اس حوالے سے سماجی رابطے کی ویب سائٹ پر صوبائی وزیر تعلیم مراد راس کا کہنا ہے کہ کسی بھی ضلع میں حاملہ خواتین ٹیچرز کو ویکسی نیشن کیلئے مجبور نہیں کیا جائے گا۔ شکایات کی صورت میں متعلقہ افسران کے خلاف سخت کارروائی کی جائے گی۔