سرائیکی صوبہ بنانے کا بل مؤخر

قومی اسمبلی کی قائمہ کمیٹی نے سرائیکی صوبہ بنانے کا بل مؤخر کر دیا۔

قومی اسمبلی کی قائمہ کمیٹی برائے قانون و انصاف کا اجلاس ہوا ، جس میں آئین کے آرٹیکل 1میں ترمیم کر کے سرائیکی صوبے کا بل پیش کیا گیا ،جسے غور وخوص کے بعد موخر کردیا گیا۔

بل میں 95 صوبائی نشستیں،21 خواتین نشستیں، 3 اقلیتی نشستیں رکھنے کا ذکر کیا گیا۔

چیئرمین کمیٹی برائےقانون و انصاف اعظم نذیر تارڑ نے کہا کہ سارے ممبران اپنی سیاسی جماعت کی رائےدیں جو باہر بیٹھے ہوئے ہیں ان سے بھی رائے لیں۔

کمیٹی رکن وفاقی وزیر قادر پٹیل نے کہا کہ نیا پنڈورا باکس نہ کھولیں۔