سیلاب سےمتاثرہ علاقوں کے طلباء کےلیے خصوصی پیکج دینے کا فیصلہ کر لیا

حکومت نے سیلاب سے متاثرہ علاقوں کے طلباء کے تعلیمی مستقبل کو بچانے کے لیے مراعات کا پیکج تیار کرنے کی ہدایت کردی۔

خصوصی پیکج کے تحت فیس معافی، انڈر گریجویٹ اور گریجویٹ طلبہ کے لیے خصوصی وظائف دیے جائیں گے۔

پیکج کی تیاری ، عمل کے طریقہ کار کے لیے وزارت تعلیم اور ہائیر ایجوکیشن کمیشن نے کام شروع کردیا۔

تعلیمی اداروں میں سیلاب متاثرین کے لیے عطیات جمع کرنے کی مہم شروع کرنے کا بھی فیصلہ کیا گیا ہے۔

متاثرہ علاقوں میں خوراک، خیموں کے علاوہ میڈیکل کیمپس اور عارضی اسکول قائم کیے جائیں گے۔

تعلیمی پیکج میں یونیورسٹی کی واجب الادا فیسوں کی وصولی موخرکرنا شامل ہے۔

سیلابی علاقوں میں انڈر گریجویٹ اور گریجویٹ طلبہ کے لیے اسکالرشپ پروگرام شروع کیاجائے گا۔