پنجاب کے 267 سکولوں میں کوئی ٹیچر تعینات نہ ہونے کا انکشاف

محکمہ سکولز میں اساتذہ کی کمی نے طلبا کے مستقبل پر خطرے کی گھنٹی باندھ دی ، صوبے بھر میں ایسے 267سکولوں کا انکشاف ہوا جن میں ایک بھی ٹیچر تعینات نہیں ہے ، اور کاغذوں میں سکول چل رہے ہیں ۔

سب سے زیادہ سکول ٹوبہ ٹیک سنگھ کے ہیں، جن کی تعداد 65 ہے۔

جبکہ ڈی جی خان اور بہاولنگر دوسرے اور تیسرے نمبر ہیں ۔

یہ معاملہ اس وقت سامنے آیا جب طلباء شماری کی چیکنگ کے دوران سکول انفارمیشن سسٹم میں اساتذہ کا سٹیٹس چیک کیاگیا ۔

جس سے پتا چلا کہ ضلع اٹک میں 5، بہاولنگر میں 25، بہاولپور میں 3 چکوال کے 5چنیوٹ میں چار، ڈی جی خان میں 32، فیصل آباد میں تین ، گوجرانوالہ میں سات ، گجرات میں دو ، حافظ آباد میں ایک ، جہلم میں دو ، جھنگ میں تین ، قصور میں تین ، خانیوال میں چار، خوشاب میں 5، لاہور میں دو، لیہ میں دو ، لودھراں میں 5 میانوالی میں 11، ملتان میں 9، ننکانہ میں دو ، اوڑکاہ میں 11پاکپتن میں چار، رحیم یار خان میں 18، راجن پور میں 5راولپنڈی میں 5، ساہیوال میں چار ، سرگودھا میں 5شیخوپورا میں دو ، سیالکوٹ میں 7، ٹوبہ ٹیک سنگھ میں 65 اور وہاڑی کے 7 سکولوں میں کوئی ٹیچر تعینات نہیں ہے ۔