اسلامی جمعیت طلباء کی چیئرمین ایچ ای سی سے ملاقات
اسلامی جمعیت طلبہ جامعہ ذکریا کی جانب سے پیش کیے گئے مطالبات پر وی سی ہاؤس میں چیئرمین ہائر ایجوکیشن کمیشن آف پاکستان مختار احمد سے ملاقات ہوئی۔
اسلامی جمعیت طلبہ جامعہ ذکریا کے وفد میں ناظم جامعہ حارث بلوچ اور قاضی حمزہ کی طلبہ مسائل پر تفصیلی ملاقات ہوئی ، جس میں تمام مطالبات کو زیر بحث لایا گیا ۔
جس میں جس میں حکومت کے اعلان کے مطابق سیلاب زدگان کی فیس معاف کی جائے۔
اسٹل فیس کی نئی پالیسی کا اطلاق نئے آنے والے طلبہ (سیشن 2022) سے کیا جائے۔
سپلی فیس میں 500 روپے کے خطیر اضافے کو واپس لیا جائے۔ جب تک ہاسٹل میں میس سرکاری طور پر نہیں چلائے جاتے تب تک ہاسٹل فیس سے تمام میس چارجز ختم کیے جائیں۔پوسٹ گریجویٹ پروگرامز کو باقی جامعات کی طرح مارننگ میں شفٹ کیا جائے اور فیسوں میں کمی کی جائے۔
ہاسٹل کی تمام سہولیات جیسا کہ دھوبی وغیرہ کو یقینی بنایا جائے ، اور ان کے چارجز کو مخصوص کیا جائے۔تمام شٹل سروس پہلے کی طرح بحال کی جائے اور قاسم ہال کے اسکالرز کے لیے ایگری کلچر کالج تک شٹل سروس کا آغاز کیا جائے۔سپورٹس کی مد میں ہر سمسٹر میں فیس لی جاتی ہے تو جمنزیم کی الگ سے رجسٹریشن فیس دوبارہ کیوں لی جاتی ہے، دوبارہ رجسٹریشن فیس کو ختم کیا جائے۔
وی سی جامعہ ذکریا اور چئیر مین ہائر ایجوکیشن کمیشن آف پاکستان کی جانب سے یقین دہانی کروائی گئی کہ طلبہ مسائل کو جلد از جلد حل کریں گے اور یونیورسٹی کو پُرامن بنانے میں اپنا کردار ادا کریں گے۔
