کبیر والا میں خاتون اے ایس پی تعینات

ریجنل پولیس آفیسر سید خرم علی سے اے ایس پی کبیر والا سدرہ خان نے ملاقات کی ، اس موقع پر آر پی او کا کہنا تھا کہ ملتان ریجن میں خواتین پولیس آفیسر کی تعیناتی ان کی قابلیت کا منہ بولتا ثبوت ہے ،سرکل کبیر والا جیسی بڑی تحصیل میں تعیناتی ان کے لیے ایک چیلنج سے کم نہیں ہے، مجھے امید ہے کہ وہ ایک کرائم فائٹر پولیس آ فیسر ثابت ہوں گی۔
اس موقع پر سدرہ خان کا کہنا تھا کہ میں اپنے اعلیٰ پولیس افسران کی توقعات پر پورا اترنے کی کوشش کروں گی، اور ان کی طرف سے جاری احکامات کی روشنی میں اپنے فرائض سر انجام دوں گی۔