پہلی مرتبہ سپیشل ایجوکیشن پالیسی کا اجرا

ڈپٹی کمشنر ملتان علی شہزاد نے کہا ہے کہ حکومت پنجاب سپیشل بچوں کی تعلیم و تربیت اور بحالی پر خصوصی توجہ دے رہی ہے پہلی مرتبہ سپیشل ایجوکیشن پالیسی کا اجرا کیا گیا ہے ۔
سپیشل بچوں کو مفت تعلیم، یونیفارمز، کتب، پک اینڈ ڈراپ اور ماہانہ وظیفہ دیا جارہا ہے ان خیالات کا اظہار انہوں نے گزشتہ روز معذور اور مستحق شخص کو وہیل چیئر کا عطیہ دینے کے موقع پر کیا۔
اس موقع پر میاں محمدماجد ڈسٹرکٹ آفیسر سپیشل ایجوکیشن ملتان بھی موجود تھے۔

ڈپٹی کمشنر علی شہزاد کا مزید کہنا تھا کہ خصوصی اداروں میں سپیشل طلباءکی داخلہ مہم شروع کردی گئی ہے جہاں ایسے بچوں کی ٹیکنیکل ایجوکیشن پر بھی خصوصی توجہ دی جائے گی تاکہ سپیشل طلباءو طالبات کو معاشی اور معاشرتی طور پر مضبوط کیا جائے۔
داخلہ مہم میں سماجی اداروں اور تعلیمی حلقوں سے تعاون حاصل کیا جائے گا تاکہ ان بچوں کو سپیشل ایجوکیشن کے اداروں سے تعلیم و تربیت حاصل کرکے معاشرے کا مفید شہری بنایا جاسکے۔