نئے بزنس آئیڈیاز کے مقابلوں کی افتتاحی تقریب کا انعقاد
ایم این ایس زرعی یونیورسٹی میں پنجاب ہائر ایجوکیشن کمیشن کے تعاون سے نئے بزنس آئیڈیاز کے مقابلوں کی افتتاحی تقریب کا انعقاد کیا گیا۔
جس کی صدارت وائس چانسلر پروفیسر ڈاکٹر آصف علی (تمغہ امتیاز)نے کی۔
اس موقع پر پروفیسر ڈاکٹر آصف علی کا کہنا تھا کہ طلباء کے لئے بزنس آئیڈیاز کو عملی جامہ پہنانا اس یونیورسٹی کے منشور میں شامل ہے ، اور اس کام کے لیے ہم ہر طرح کے وسائل بروئے کار لا رہے ہیں۔
مزید کہا کہ یونیورسٹی کی تعلیم کے ساتھ ساتھ عملی میدان میں کام کرنا بھی موجودہ وقت کی اہم ضرورت ہے۔
محمد علی رضا نے بچوں کو ان کے اندر موجود صلاحیتوں کو کیسے استعمال کرنا ہے، اس بارے تفصیلی لیکچر دیا ، اور بچوں کو بتایا کہ کیسے آپ اپنے کسی آئیڈیا کو عملی شکل دے سکتے ہیں۔
اختتام پر انہوں نے بچوں کے درمیان دو ہزار فی ٹیم کے حساب سے تقسیم کیا ، اور طلباء سے کہا کہ اس رقم کو استعمال کرتے ہوئے آپ اپنے کسی بھی آئیڈیا کو عملی شکل دے کر پیسے کما سکتے ہیں۔
تقریب کے اختتام پر پروفیسر ڈاکٹر مبشر مھدی نے مہمانوں کا شکریہ ادا کیا۔
اس موقع پر ڈاکٹر عبدالرحمن سمیت دیگر فیکلٹی اور طلباء و طالبات کی کثیر تعداد موجود تھی۔
