تعلیمی بورڈ ملتان میں ایمپلائز یونین کے الیکشن کا بگل بج گیا
ایمپلائز یونین ملتان بورڈ کے الیکشن 26 نومبر کو ہونے کا امکان ، ایمپلائز ویلفیئر یونین ملتان ایجوکیشن بورڈ کے صدر ملک نثار نے چیئرمین بورڈ حافظ قاسم کو مراسلہ ارسال کیا ہے کہ ایسوسی ایشن کے الیکشن دوسال بعد نومبر میں منعقد ہوتے ہیں۔
موجودہ ایسوسی ایشن کی مدت 30نومبر کو ختم ہوجائے گی ، تاہم آئین کے آرٹیکل چھ کے تحت نئے انتخابات تک موجودہ ایسوسی ایشن کام کرتی رہے گی۔
گذارش ہے کہ حسب ضابطہ الیکشن کا شیڈول جاری کیا جائے، اور الیکشن کمشنر کی تعیناتی کی جائے۔
پنجاب میں سرگودھا بورڈ میں الیکشن ہوچکے ہیں، جبکہ دیگر بورڈز میں بھی رواں ماہ میں الیکشن ہوجائیں گے۔
اس لئے ہمارے الیکشن 26 نومبر تک کرادئے جائیں ۔
اس دوران ایمپلائز پر کام کا بوجھ کم ہوتا ہے ، اس کے بعد دوبار سے امتحانات کا سلسلہ شروع ہوجائے گا۔
علاوہ ازیں ووٹ کا حق صرف اس کو حاصل ہوگا جو گزشتہ دوسال سے چندہ دے رہا ہوگا۔
