ایچ ای سی کا ڈگریوں کی تصدیق پر جعلی مہریں لگوانے والے افراد کی ڈگریاں منسوخ کرنے کا فیصلہ

ہائرایجوکیشن کمیشن کے  جاری الرٹ میں ہائر ایجوکیشن کمیشن حکام نے واضح کر دیا ہے کہ ایجنٹ سے ڈگریاں تصدیق کرانے والوں کے خلاف کارروائی ہوگی، ایجنٹ کے ذریعے جعلسازی سے ڈگریوں کی تصدیق کرانے والے افراد کی ڈگریاں منسوخ کر دی جائیں گی, صرف آن لائن سسٹم کے تحت ڈگریوں کی ویری فکیشن کی جاتی ہے اور کمیشن نے کسی بھی فرد کو اپنا ایجنٹ مقرر نہیں کر رکھا۔
اصل ڈگریوں پر جعلی مہریں اور ٹکٹیں لگوانے والوں کی نشاندہی پر مقدمہ درج ہوگا اور گریجویٹس کے خلاف کارروائی کی جائے گی۔