ویمن یونیورسٹی ملتان کی69 اساتذہ کے اعزاز میں الوادعی تقریب آج ہوگی

گزشتہ برس ویمن یونیورسٹی کی ریٹائرڈ ہونے والی 24اساتذہ کے ساتھ ساتھ 45 اساتذہ اور کلریکل سٹاف جو کالج کیڈر سے تعلق رکھتے تھے، ایچ ای ڈی کے احکامات پر یونیورسٹی کو چھوڑ کر ہائر ایجوکیشن ڈیپارٹمنٹ کو رپوٹ کریں گے۔
جس کےلئے ان کو30جون تک مہلت دی گئی ہے، ان میں یونیورسٹی کی سینئر اساتذہ شامل ہیں جن کی خدمات کو سراہنے کے لیے اس شاندار تقریب کا اہتمام کیا گیا ہے، اس سلسلے میں ہونے والے تقریب کی مہمان خصوصی وائس چانسلر پروفیسر ڈاکٹر عظمیٰ قریشی ہوں گی اس تقریب کی فوکل پرسن ڈاکٹر ملکہ رانی ہیں جبکہ تمام فیکلٹی ،افسراں اور دیگر عملہ اس میں شرکت کرے گا۔