ویمن یونیورسٹی کی طالبہ وزیر اعظم نیشنل انوویشن ایوارڈ کے لئے شارٹ لسٹ ہوگئی

ترجمان کا کہنا ہے کہ ایچ ای سی کے زیر اہتمام ہونے والے نیشنل انوویشن ایوارڈ میں ملک بھر سے بزنس آئیڈیاز رکھنے والے طلبا وطالبات نے شرکت کی۔

جس میں ویمن یونیورسٹی کی امامہ فیاض کی سلیکشن اور شارٹ لسٹنگ ہوگئی ہے، ان کو اپنے بزنس آئیڈیا کی پروموشن اور لانچنگ کےلئے 20لاکھ روپے کی حکومتی امداد ملے گی ۔

ویمن یونیورسٹی کی وائس چانسلرڈاکٹر عظمیٰ قریشی نے اس کامیابی کوسراہتے ہوئے کہا کہ ہماری یونیورسٹی میں طلبا کو تدریس کے علاوہ پریکٹیکل کی تعلیم بھی دی جاتی ہے کہ کس طرح عملی زندگی میں اپنے آئیڈیا کو کامیاب بنانا ہے۔

امامہ کی کامیابی اس کا منہ بولتا ثبوت ہے شعبہ کمیسٹری سے تعلق رکھنے والی طالبات نے ثابت کیا کہ اساتذہ کی محنت نے اس کی صلاحتیوں کو جلا بخشی ہے ۔