سپورٹس ڈیپارٹمنٹ کے زیر اہتمام جمناسٹک تھرل

رانا ندیم انجم ڈویژنل سپورٹس آفیسر ملتان نے کہا کہ جب تک کھلاڑیوں کو کھیلوں کی افادیت اور بنیادی اصولوں کا نہیں پتہ ہوگا وہ باوجود سخت محنت کے اپنا کردار احسن طریقے سے ادا نہیں کرسکیں گے۔اسی چیز کو مد نظر رکھتے ہوئے ہمارے ڈیپارٹمنٹ نے مختلف کھیلوں کے حوالے سے سیمینار منعقد کرانے کا سلسلہ شروع کیا ہے جو کہ مستقبل میں بھی جاری رہے گا۔
وہ ڈویژنل سپورٹس ڈیپارٹمنٹ ملتان کے زیرِ اہتمام ای لائیبریری میں منعقد ہونے والے جمناسٹک تھرل سیمینار سے خطاب کررہے تھے۔
اس موقع پر عدنان نعیم ڈسٹرکٹ سپورٹس آفیسر ملتان, ڈویژنل کوچز ناصر حسین. شاہد لطیف. اور جنید اقبال نے خصوصی شرکت کی۔
سیمینار میں محمد عدنان مغل ڈویژنل کوچ جمناسٹک نے مختلف سپورٹس شعبہ جات سے منسلک طلباء اور طالبات کو جمناسٹک کے بنیادی قوانین. ہماری زندگی میں اس کی اہمیت اور کوچنگ کی مہارت سے آگاہ کیا۔
عدنان نعیم ڈسٹرکٹ سپورٹس آفیسر ملتان نے خطاب کرتے ہوئے کہا کہ ڈویژنل سپورٹس ڈیپارٹمنٹ ملتان کا اس طرح کے سیمینار کا انعقاد کرنا احسن اقدام ہے اس طرح کے ایونٹ کرانے سے کھلاڑیوں کو سیر حاصل فائدہ ہوگا۔