زکریا یونیورسٹی کے طلباء کےلئے خوشخبری

بہاء الدین زکریا یونیورسٹی ملتان کا 16واں کانووکیشن 10مارچ کو ہوگا۔

کانووکیشن انتظامات کا جائزہ لینے کے لیے انتظامی کمیٹیوں کے سربراہان کا اجلاس منعقد ہوا جس کی صدارت پرووائس چانسلر پروفیسر ڈاکٹر محمد علی نے کی۔

اجلاس میں ڈاکٹر محمد علی نے تمام انتظامی کمیٹیوں کے سربراہان کو ہدایات جاری کیں، اور شعبہ امتحانات کو طلباء طالبات کو دی جانے والی اسناد و میڈلز کے حوالے سے بھی ہدایات دیں۔

اجلاس میں کنٹرولر امتحانات ، خزانہ دار و یونیورسٹی کے انتظامی افسران اور تمام ڈین حضرات نے شرکت کی۔