سیکرٹری ہائر ایجوکیشن ڈیپارٹمنٹ کے امتحانی مراکز کے دورے

سیکرٹری ایچ ای ڈی جاوید اختر محمود نے تحصیل شجاع آباد، ضلع ملتان میں قائم ایس ایس سی کے پہلے سالانہ امتحانات 2023 کے امتحانی مراکز کا معائنہ کیا۔

چیئرمین ملتان بورڈ حافظ محمد قاسم، سیکرٹری بورڈ خرم قریشی اور اسسٹنٹ کمشنر شجاع آباد ڈاکٹر فیض بھی ہمراہ تھے۔

اس موقع پر سیکرٹری بورڈ خرم شہزاد قریشی نے ان کو مکمل بریفنگ دی، اور بتایا کہ امیدواروں کو سہولیات فراہم کی گئیں ہیں ٹھنڈے پانی کا ابھی اہتمام کیا گیا ہے ۔

نگران عملے کو ہدایت کی گئی ہے کہ وہ امیدواروں سے احترام سے بات کریں، اور ان کے مسائل فوری طور پر حل کئے جائیں ۔
امتحانی سنٹروں میں دفعہ 144نافذ ہے غیر متعلقہ افراد داخل نہیں ہوسکے ۔

جس پر سیکرٹری نے امتحان کے ہموار اور شفاف انعقاد پر اپنے مکمل اطمینان کا اظہار کیا اور کہاکہ یہ بچے ہمارا روشن مستقبل ہیں ، ان کی ضروریات کو پورا کیا جائے اور ان کے امتحانات کےلئے جو اقدامات کئے گئے ہیں وہ قابل ستائش ہیں یہ سلسلہ پورے امتحان میں جاری رکھا جائے ۔