رمضان المبارک بیڈ منٹن کپ2023 انیس خان اور حماد اسلم نے جیت لیا
سپورٹس ڈیپارٹمنٹ ملتان، ملتان بیڈمنٹن ایسوسی ایشن کے زیر اہتمام اسٹروم فائبر این ۔سی۔بی۔اے اینڈ ای ، چائے خانہ اور ڈیرہ حق ریسٹورنٹ ملتان کے تعاون سے سپورٹس جمنیزیم ملتان میں جاری رمضان المبارک بیڈمنٹن کپ انیس خان اور حماد اسلم پر مشتمل جوڑی نے افراہیم اور مدثر پر مشتمل جوڑی کو ہرا کر جیت لیا۔
وومن سنگل کا فائنل شازیہ نے مریم کو ہراکر جیت لیا۔
اس سے پہلے کواٹر فائنل میں افراہیم اور مدثر۔انیس خان اور حماد اسلم ابرار اور ظلے اور مغیرہ اور خبیب پر مشتمل جوڑی نے کامیابی حاصل کی۔
سیمی فائنل میں افراہیم اور مدثر اور انیس خان اور حماد اسلم نے سیمی فائنل میں کامیابی حاصل کی۔
فائنل میچ کی تقریب تقسیم انعامات کے مہمان خصوصی کمشنر ملتان ڈویژن انجینئر عامر خٹک تھ، ان کے ہمراہ رانا ندیم انجم۔ڈویژنل سپورٹس آفیسر ملتان فاروق لطیف ڈسڑکٹ سپورٹس آفیسر ملتان۔میاں جہانگیر صدر ملتان بیڈمنٹن ایسوسی ایشن ۔محمد اکرم سیکرٹری ملتان بیڈمنٹن ایسوسی ایشن ۔سلمان نجیب بزنس یونٹ ہیڈ سٹروم فائبر ملتان۔ ۔موجود تھے۔
رانا ندیم انجم نے بتایا کہ اس ایونٹ میں بتیس ٹیموں نے شرکت کی، جن کے درمیان سنسنی خیز مقابلے دیکھنے کو ملے، جبکہ خواتین کے مابین بھی سنگل مقابلوں کا انعقاد کیا گیا۔
کمشنر ملتان ڈویژن انجینئر عامر خٹک نے کہا کہ رمضان المبارک کی نیک ساعتوں میں اس طرح کے ایونٹس کا انعقاد نوجوانوں کے لیے صحت مندانہ سرگرمیوں کا باعث ہوتے ہیں، رمضان المبارک بیڈمنٹن کپ کے منتظمین کو شاندار ایونٹ کے انعقاد پر مبارکباد دیتے ہوئے اپنے بھرپور تعاون کی یقین دہانی کرائی۔
اختتام پر کھلاڑیوں اور آفیشلز میں انعامات تقسیم کیے گئے۔
