زکریا یونیورسٹی میں سکواش کلینک کا افتتاح

بہاوالدین زکریا یونیورسٹی ملتان میں کامیاب جوان مرکز کے زیراہتمام سکواش کلینک کی افتتاحی تقریب کا انعقاد کیا گیا۔
اسکواش کلینک کا افتتاح وائس چانسلر پروفیسر ڈاکٹر منصور اکبر کنڈی نے کیا اور خطاب کرتے ہوئے کہا کہ نصابی سرگرمیوں کے ساتھ ساتھ کھیل کی سرگرمیاں بھی بہت ضروری ہیں، اور حکومت کے کامیاب جوان مرکز پروگرام کے تحت انڈر گریجویٹ طلبہ کے لئے یہ مثبت سرگرمی ہے جس میں طلبہ کو بڑھ چڑھ کر حصہ لینا چاہیئے ۔
افتتاح کے موقع پر بچوں نے وائس چانسلر ڈاکٹر منصور اکبر کنڈی کو پھولوں کے گلدستے بھی پیش کیۓ ۔اس موقع پر ڈاکٹر محمد رضوان، ڈاکٹر حسن بچہ و دیگر فیکلٹی ممبران بھی موجود تھے۔
یونیورسٹی میں کامیاب جوان مرکز پروگرام کے تحت اسکواش ٹورنامنٹ میں 50 سے کھلاڑی شرکت کر رہے ہیں اور یہ ٹورنامنٹ چار ہفتوں تک جاری رہے گا ۔