سپورٹس سمر کیمپ جاری

وزیر اعلیٰ پنجاب کی زیر قیادت پنجاب بھر میں طلباء کی صلاحیتوں کو نکھارنے کے لیے صحت مندانہ سرگرمیوں کی فراہمی کے سلسلہ میں سپورٹس ڈیپارٹمنٹ ملتان کے زیر اہتمام سپورٹس بورڈ پنجاب کی ہدایت پر کوچنگ اینڈ ٹریننگ سمر کیمپ زورو شور سے جاری ہے۔

رانا ندیم انجم ڈویژنل سپورٹس آفیسر ملتان کے مطابق کوالیفائڈ کوچز کی زیر نگرانی بارہ جون سے جاری بیڈمنٹن، ٹیبل ٹینس، کراٹے، تائیکوانڈو اور جمناسٹک میں انڈر 8 اور انڈر 14بچیوں اور بچیوں کی کثیر تعداد شرکت کررہے ہیں، جہاں ان بچوں کا جوش و خروش قابل دید ہے۔وہی ان کھلاڑیوں کے والدین کی طرف سے سپورٹس ڈیپارٹمنٹ کے اس احسن اقدام کو خراج تحسین پیش کیا جارہا ہے۔

والدین کا کہنا ہے کہ چھوٹی عمر سے بچوں کو اس طرح کی سہولیات کبھی میسر نہیں آئیں، ہم اس سمر کیمپ کے منتظمین اور سپورٹس ڈیپارٹمنٹ کے انتہائی مشکور ہیں، اور امید کرتے ہیں کہ مستقبل میں بھی اس طرح کے احسن اقدام کرتے رہے گئے۔

انہوں نے مزید بتایا کہ بچوں کی رجسٹریشن کا سلسلہ جاری ہے والدین کو چاہیے کہ وہ جلد از جلد اپنے بچوں کی رجسڑیشن کراکے اس سہولت سے فائدہ اٹھائیں، اور کوالیفائیڈ کوچز کی زیر نگرانی تربیت حاصل کرکے پاکستان کا نام اقوام عالم میں روشن کریں۔