پروفیسر ڈاکٹر کلثوم پراچہ ویمن یونیورسٹی کی وائس چانسلر تعینات

پروفیسر ڈاکٹر عظمیٰ قریشی کی وائس چانسلر شپ کی مدت کے اختتام کے بعد پرو وائس چانسلر پروفیسر ڈاکٹر کلثوم پراچہ کو ریگولر وائس چانسلر کی تعیناتی تک وائس چانسلر تعینات کردیا ۔

رجسٹرار کی طرف سے جاری ہونے والے مراسلے کے مطابق یونیورسٹی کے ایکٹ کے مطابق ڈاکٹر کلثوم پراچہ وائس چانسلر کے فرائض سر انجام دیں گی، جس کی منظور ی کےلئے کیس گورنر چانسلر کو ارسال کردیا گیا ہے ۔

دریں اثناء ذرائع کے مطابق سابق وائس چانسلر ڈاکٹر عظمیٰ قریشی وائس چانسلر شپ میں توسیع کے مراسلے کا انتظار کرتیں رہیں، مگر ملکی سطح پر ہونے والی سیاسی سرگرمی کی وجہ سے ان کی خواہش پوری نہ ہوسکی، اور ان کو چارج چھوڑنا پڑا ۔