جامعہ زرعیہ میں محفل ذکر پیامبر امن ﷺ
ایم این ایس زرعی یونیورسٹی میں ماہ ربیع الاول اور عالمی یوم امن کے حوالے سے قرآت و نعت کلب جامعہ زرعیہ نے محفل ذکر پیامبر امن ﷺ کا اہتمام کیا، جس میں جامعہ ہذا کے طلباء و طالبات نعت خواں نے ہدیہ نعت پیش کیا، اور ڈاکٹر رشید احمد نے رسول امن ﷺ کی سیرت پر روشنی ڈالی، اور امن کے حوالے سے اہم نکات بیان کیے۔
انہوں نے کہا کہ اپ صلی اللہ علیہ وسلم کی تمام زندگی اور اعلان نبوت سے پہلے اور بعد کا طرز عمل، متعدد اقدامات امن پسندی کا منہ بولتا ثبوت ہیں۔
نبی رحمت آج کی بعض بڑی طاقتوں کی طرح امن کے زبانی کلامی دعویدار نہیں تھے بلکہ آپ صلی اللہ علیہ وسلم نے امن کا ایک اعلی نمونہ بن کر دکھایا۔
رئیس جامع پروفیسر ڈاکٹر آصف علی (تمغہ امتیاز) نے اپنے خطاب میں کہا کہ رسول اللہ کی زندگی ہم سب کے لیے مشعل راہ ہے، ہم اپنی زندگی اور معاشرے میں رسول اللہ کی تعلیمات پر عمل کر کے بہترین امن اور استحکام پیدا کر سکتے ہیں۔
اس موقع پر پرنسپل آفیسر سٹوڈنٹس آفیئرز پروفیسر ڈاکٹر محمد اشفاق، ڈاکٹر شہباز، ڈاکٹر مرزا عبدالقیوم، ڈاکٹر مرزا عابد، ڈاکٹر سلمان قادری، ڈاکٹر اختر اور ڈاکٹر عثمان جمشید بھی موجود تھے۔
