آندھی نے میپکو کی بتی گل کردی
سوموار کی سہ پہر میپکو ریجن میں شدید آندھی سے میپکو سسٹم کو نقصان پہنچا اور تیز رفتار آندھی کے باعث 107فیڈرز سے بجلی کی فراہمی تعطل کا شکارہوئی ۔
ملتان، خانیوال، وہاڑی، بہاولپور، ڈی جی خان، مظفرگڑھ، ساہیوال اور رحیم یار خان سرکلوں کے 11کے وی فیڈرز سے بجلی کی فراہمی متاثرہوئی۔
چیف ایگزیکٹو آفیسر میپکو انجینئر اکرام الحق کی ہدایت پر میپکو ہیڈ کوارٹر میں قائم پاورڈسٹری بیوشن سنٹرز سے آپریشنل افسران کو الرٹ کیا گی، اور ہیڈ کوارٹر میں جنرل منیجرزاور چیف انجینئرزبجلی کی فراہمی کی مانیٹرنگ کرتے رہے ۔
چیف ایگزیکٹو آفیسر نے آپریشن سرکلوں کے سپریٹنڈنگ انجینئرز کو ہدایت کی کہ آندھی اور طوفان میں بجلی کی بحالی کے کاموں کا آغاز کرنے سے قبل سیفٹی پالیسی اور ایس او پیز پر سختی سے عملدرآمد کیاجائے ۔ آندھی رکنے کے بعد بجلی بحالی کا کام شروع کیاگیا اور ایس او پیز پر عملدرآمد کرتے ہوئے تمام متاثرہ فیڈرز سے بجلی بحال کردی گئی۔
