ائیر یونیورسٹی ملتان کیمپس (بہاولپور روڈ ) میں روڈ سیفٹی سیمینار کا انعقاد

موٹر وے پولیس بیٹ 19 کے زیر اہتمام ایئر یونیورسٹی ملتان کیمپس (بہاولپور روڈ )میں روڈ سیفٹی سیمینار کا انعقاد کیاگیا، جس کے مہمان خصوصی ڈائریکٹر کیمپس ڈاکٹر غلام علی، سیکٹر کمانڈر موٹر وے پولیس ملتان محمد مقصود انجم ، سی پی او موٹر وے پولیس ممتاز احمد واہلہ تھے۔

ڈائریکٹر کیمپس ڈاکٹر غلام علی نے سیمینار سے خطاب کرتے ہوئے کہا کہ ٹریفک حادثات کی وجہ سے کئی قیمتی جانیں ضائع ہو جاتی ہیں، ٹریفک قوانین پر عملدرآمد کرکے حادثات کی روک تھام کی جا سکتی ہے۔

سیکٹر کمانڈر موٹر وے پولیس ملتان محمد مقصود انجم کا کہنا تھا کہ طلباء موٹر وے پولیس کے ایمبیسیڈر بنیں اور آگاہی مہم کا حصہ بنے ۔ موٹر سائیکل سوار ہیلمٹ کے استعمال کو یقینی بنائیں، نوجوان ون ویلنگ سے اجتناب کریں ۔

اس موقع پر کوئز پروگرام کا بھی انعقاد کیاگیا، درست جواب دینے والے طلباء میں سیکٹر کمانڈر موٹر وے پولیس ملتان محمد مقصود انجم ، ڈائریکٹر کیمپس ڈاکٹر غلام علی نے ہیلمٹ تقسیم کئے۔

اس موقع پر اسسٹنٹ ڈائریکٹر ممتاز خان نیازی ،شہزاد حسین، آصف گجر ، خرم گجر،ڈاکٹر ثنااللہ ، محمد خالد ، رانا رمضان ،منیر احمد و دیگر موجود تھے۔