گریڈ 16 کے ای ایس ٹیز کے سکالرشپ روک دیے گئے

پنجاب بینیولینٹ فنڈ بورڈ لاہور نے گریڈ 16 کے ای ایس ٹیز کے سکالرشپ روک دیے ہیں ۔
بورڈ ان کو گزیٹڈ تسلیم کرنے سے گریزاں ہے، حالانکہ گزشتہ کئی سالوں سے ای ایس ٹی ٹیچرز یہ سکالرشپ مرکزی دفتر بینیولینٹ فنڈ بورڈ الفلاح بلڈنگ لاہور سے ہی حاصل کررہے تھے، لیکن اس سال اچانک بورڈ کو خیال آگیا کہ گریڈ 16 میں کام کرنے والے ای ایس ٹیز گزیٹڈ نہیں ہیں ۔
سکالرشپ کا معاملہ لٹک گیا ہے اب نہ لاہور آفس اسے منظور کررہا ہے اور نہ ہی ڈسٹرکٹ میں یہ جمع ہوا، ای ایس ٹیز ایسوسی ایشن نے اعلیٰ حکام سے نوٹس لینے کا مطالبہ کیا ہے۔