گرمی کی چھٹیوں کے بعد 32 ہزار پبلک سکولوں میں مفت خوراک فراہم کرنے کا فیصلہ

پنجاب کے 32 ہزار پرائمری سکولوں میں زیر تعلیم 35 لاکھ بچوں کو مفت کھانا دیا جائے گا، پبلک سکولوں میں مفت دودھ، بسکٹ اور بریڈ فراہم کی جائے گی، مختلف کمپنیز /فرمز اور ادارے پبلک سکولوں میں کھانا مہیا کرنے کے لئے کوٹیشن جمع کرواسکیں گے۔

سکول ایجوکیشن ڈیپارٹمنٹ نے تمام ایجوکیشن اتھارٹیز کو مراسلہ جاری کردیا، کوٹیشن پروگرام مانیٹرنگ اینڈ ایمپلمنٹیشن یونٹ کو بھجوائی جاسکیں گی۔

محکمہ تعلیم کے مطابق درخواستوں کی سکروٹنی کے بعد پنجاب پبلک سکول میلز پروگرام شروع کردیا جائے گا۔