علامہ اقبال اوپن یونیورسٹی کے امتحانات دو ستمبر سے شروع ہوں گے

علامہ اقبال اوپن یونیورسٹی کے سمسٹر بہار 2024 میں پیش کئے گئے میٹرک، ایف اے پروگرامز کے امتحانات 2 ستمبر 2024 سے شروع ہوں گے، یہ بات ملتان کیمپس کے ریجنل ڈائریکٹر غلام حسین کھوسہ نے کہی۔

انہوں نے مزید کہا کہ تمام طلباء وطالبات کی رولنمبر سلپس ان کے CMS اکاؤنٹ میں اَپلوڈ کر دی گئی ہیں، طلباء اپنی رولنمبر سلپ اپنے اکاؤنٹ سے ڈاؤن لوڈ کر سکتے ہیں، سمسٹر بہار 2024 سے طلباء کو رولنمبر سلپ علیحدہ سے ان کے ایڈریس پر نہیں بھجوائی جائیں گی، طالب علم اپنے موبائل میں یونیورسٹی کی آفیشل موبائل ایپ ڈاؤن لوڈ کر کے بھی اپنی رولنمبر سلپ اور تمام معلومات حاصل کر سکتا ہے۔

اگر کسی طالب علم کو امتحانات کے بارے میں مزید معلومات حاصل کرنا ہوں تو وہ یونیورسٹی کے علاقائی کیمپس سے رابطہ کرسکتا ہے ۔