چار سالہ بی ایس ڈگری کی بنیاد پر بھرتی ہزاروں اساتذہ کا موقف تسلیم کرلیا گیا

سکول ایجوکیشن ڈیپارٹمنٹ کا سروس رولز تبدیل کرکے بی ایس ڈگری ہولڈرز اساتذہ کو ترقیاں دینے کا فیصلہ

بتایا گیا ہے کہ چار سالہ بی ایس ڈگری ہولڈرز کے نام ڈیپارٹمنٹل پروموشن کمیٹی میں شامل نہیں کیے جاتے تھے، ڈائریکٹر پبلک انسٹرکشن ایلمنٹری پنجاب نے چار سالہ بی ایس ڈگری کی بنیاد پر بھرتی اساتذہ کا ڈیٹاء مانگ لیا۔

تمام ایجوکیشن اتھارٹیز کو دو روز میں ڈیٹاء مرتب کرکے بھجوانے کا حکم دیاگیا ہے۔ اساتذہ کی تعداد کا تعین کرنے کے بعد سروس رولز تبدیل کرکے انہیں سنیارٹی لسٹ میں شامل کیا جائے گا۔

اساتذہ کا کہنا ہے کہ چار سالہ بی ایس ڈگری کرنیوالے اساتذہ کو عرصہ دارز سے ترقیاں نہیں دی جا رہی ہیں، بی ایس ڈگری کی بنیاد پر اساتذہ کو ترقیوں کی فہرست میں شامل کرنے کا فیصلہ خوش آئند ہے۔