پاک انگلینڈ سریز: ملتان ٹیسٹ، انگلینڈ نے دوسرے دن کے اختتام پر1 وکٹ کے نقصان پر 96 رنز بنالیے، 460 رنز کے خسارے کا سامنا
ملتان انٹرنیشنل کرکٹ اسٹیڈیم میں سریز کے پہلے میچ میں دوسرے دن کے اختتام پر انگلش ٹیم نے 96 رنز بنالیے، کپتان اولی پوپ کھاتہ کھولے بغیر پویلین روانہ، زیک کرالی کی ففٹی، زیک کرالی 64 اور جوروٹ 32 کے ساتھ کریز پر موجود
ملتان اسٹیڈیم میں پاکستانی بیٹرز کے بعد بالرز نے بھی اپنی دھاک جما لی، انگلینڈ کی طرف سے زیک کرالی اور کپتان اولی پوپ نے اننگ کا آغاز کیا ، 4 کے مجموعی سکور پر اولی پوپ بنا کوئی رن بنائے نسیم شاہ کی گیند پر عامر جمال کے ہاتھوں کیچ آؤٹ ہوگئے۔
زیک کرالی اور جوروٹ نے ذمہ دارانہ بیٹنگ کرتے ہوئے مزید وکٹس نہ گرنے دی اور 79 رنز کی پارٹنرشپ قائم کی۔ زیک کرالی نے 55 گیندوں پر اپنی سولہویں ففٹی مکمل کی، جس میں 10 چوکے شامل تھے۔ دوسرے اینڈ پر جوروٹ نے 30 رنز بنا کر کر ان کا ساتھ نبھایا ، ابھی بھی انگلش ٹیم کو پاکستانی ٹیم پر لیڈ حاصل کرنے لئے 000 رنز درکار ہیں۔
پاکستان کی طرف سے واحد وکٹ نسیم شاہ نے وکٹ حاصل کی۔
اس قبل جب دوسرے روز کا کھیل شروع ہوا تو ملتان کرکٹ اسٹیڈیم میں پاک انگلینڈ ٹیسٹ میچ کے دوسرے روزکے کھیل میں کھانے کے وقفے تک پاکستانی بیٹرز سعود شکیل اور نسیم شاہ نے محتاظ انداز مین سکور کو آگے بڑھانا شروع کیا، سعود شکیل نے اپنے 96 گیندوں پر اپنی ففٹی مکمل کی، ان کی اننگ میں 5 چوکے شامل تھے، یہ ان کے ٹیسٹ کیرئیر کی چھٹی نصف سنچری تھی۔
پانچویں وکٹ کی شراکت میں دوںوں بیٹرز کی جوڑی نے 64 رنز جوڑے، اور 388 کے مجموعی سکور پر نسیم شاہ ڈیبیو کرنے والے برائیڈن کرس کی گیند پر کرس بروک کے ہاتھوں 33 رنز بنانے کے بعد کیچ آؤٹ ہوگئے، انہوں نے 81 گیندوں کی اننگ کھیلی۔ یہ ان کا تمام فارمیٹ میں سب سے زیادہ سکور تھا۔
مجموعی سکور ابھی 393 تک ہی پہنچا تھا کہ وکٹ کیپر بیٹسمین محمد رضوان بنا کوئی رن بنائے جیک لیچ کی گیند پر کرس ووکس کو اپنا کیچ تھما بیٹھے۔
کھانے کے وقفے کے بعد ساتویں وکٹ کی شراکت میں سعود شکیل اور سلمان علی آغا نے تیزی سے سکورز میں اضافہ کیا، اور مجموعہ 450 تک لے گئے۔ سعود شکیل 177 گیندوں پر 82 رنز بنائے اور شعیب بشیر کی گیند پر شارٹ کھیلنے کی کوشش میں جوئے روٹ کے ہاتھوں کیچ آؤٹ ہوگئے، ان کی اننگ میں 8 خوبصورت چوکے شامل تھے۔
عامر جمال 7 رنز بنا سکے اور بریڈن کیرس نے ان کو ایل بی ڈبلیو کردیا۔
نویں وکٹ کی شراکت میں شاہین شاہ آفریدی اور سلمان علی آغا نے 85 رنز بنائے، سلمان علی آغا نے برق رفتار رنز بناتے ہوئے اپنے ٹیسٹ کیرئیر کی تیسری سنچری مکمل کی، جس میں 3 چھکے 10 چوکے شامل تھے۔ انہوں نے 15 میچز کے 28 ویں اننگ میں ٹیسٹ کرکٹ کے 1000 رنز کا سنگ میل بھی عبور کیا۔
شاہین شاہ آفریدی 26 رنز بناکر جیک لیچ کی گیند پر بولڈ ہوگئے۔ ابرار احمد 3 رنز بنا کر کیچ آؤٹ ہوئے۔
پاکستانی اننگ میں بیٹرز کی سنچریاں مکمل ہوئیں، کپتان شان مسعود 151، عبداللہ شفیق 102، سعود شکیل 82، سلمان علی آغا کے 104 رنز کی بدولت پہلی اننگ میں149 اوورز میں 556 کا مجموعہ تشکیل دیا۔
انگلینڈ کی طرف سے جیک لیچ نے 3، گس اٹنکسن، برائیڈن کیرس نے 2-2، جوروٹ، شعیب بشیر اور ووکس نے 1-1وکٹ حاصل کی۔
