انٹر سکول بیس بال چیمپئن شپ کے سلسلہ میں لوکل ملتان راؤنڈ کا آغاز ہوگیا
محمد جمیل کامران نائب صدر پاکستان فیڈریشن آف بیس بال کے مطابق ملتان راؤنڈ کے سلسلہ میں کھیلے گئے میچ میں نشاط سکول ملتان نے گورنمنٹ پائیلٹ سیکنڈری سکول کو چار رنز سے ہرادیا، نشاط سکول نے سات رنز کیے۔ حافظ حارث محمد حسن اور کامران نے دو دو جبکہ اسد علی نے ایک سکور کیا، اسد علی اور محمد حسن نے شاندار پچنگ کا مظاہرہ کیا۔
بعد میں کھیلتے ہوئے پائیلٹ سیکنڈری سکول نے تین رنز بنائے، محمد فیضان نے دو جبکہ طلحہ نے ایک سکور بنایا محمد آصف انچارج سپورٹس پائیلٹ سکول اور محمد ثقلین انچارج نشاط سکول بھی موقع پر موجود تھے۔
بلال حنیف، صدام حسین، وقاص اسماعیل، نعمان سلیم نے ایمپائرز جبکہ محمد حسن جمیل نے کوچنگ کے فرائض سرانجام دیے۔
دریں اثناء عارف جاوید پرنسپل نشاط سکول ملتان نے سکول بیس بال ٹیم کو کامیابی پر مبارکباد دیتے ہوئے امید ظاہر کی کہ نشاط سکول کی ٹیم اسی طرح شاندار کھیل کا مظاہرہ کرتے ہوئے چیمپین شپ میں فاتح رہے گی۔
