پاکستان آسٹریلیا T20 سیریز: قومی اسکواڈ کی برسبین روانگی

پاکستان کرکٹ ٹیم کا دورہ آسٹریلیا جاری ہے، اسکواڈ ٹی ٹونٹی سیریز کے پہلے میچ کے لیے پرتھ سے برسبین روانہ ہوگیا ہے۔

پاکستان اور آسٹریلیا کے درمیان پہلا ٹی ٹونٹی میچ 14 نومبر کو برسبین میں ہوگا، ٹی ٹونٹی سیریز کے لیے اسکواڈ میں شامل کھلاڑی بھی پاکستان سے برسبین پہنچ چکے ہیں۔

برسبین پہنچنے والوں میں عثمان خان ، عمیر بن یوسف ، صاحبزادہ فرحان ، سفیان مقیم ، عباس آفریدی اور جہانداد خان شامل ہیں۔

دریں اثنا ون ڈے سکواڈ کے چھ کھلاڑی آج رات پرتھ سے پاکستان روانہ ہونگے، پاکستان جانے والے کھلاڑیوں میں عبداللہ شفیق ، صائم ایوب ، کامران غلام، عامر جمال ، فیصل اکرم اور محمد حسنین شامل ہیں۔