ہوئے تم دوست جس کے دشمن آسمان کیوں ہو۔ ۔ ۔

میڈیا رپورٹس میں دعویٰ کیا گیا ہے کہ سابق وزیراعظم نواز شریف کی افغانستان کے مشیر برائے قومی سلامتی حمد اللہ محب سے ملاقات ایک عرب ملک نے کروائی۔
نواز شریف اور مشیر افغان قومی سلامتی حمداللہ محب کی ملاقات مشرق وسطیٰ کے ایک مسلمان ملک نے کروائی۔

ملاقات کی منصوبہ بندی افغان وفد کے لندن دورے سے قبل کر لی گئی تھی، عرب ملک کے سفارتکار نے نواز شریف کو افغان مشیر سے ملاقات کا مشورہ دیا۔
شریف خاندان کا کہنا ہے کہ نواز شریف نے افغان وفد سے ملاقات اُن کی خواہش پر کی، نواز شریف نے کابل حکومت کو پاکستانی عوام کی جانب سے پرامن تعلقات کی خواہش کا پیغام پہنچایا۔
جبکہ نواز شریف کی جانب سے افغان وفد سے ملاقات پر کوئی تبصرہ نہیں کیا گیا اور جس عرب ملک نے یہ ملاقات کروائی اس کے پاکستان سے دیرینہ تعلقات ہیں۔