ملتان میں مینگو میوزیم بنانے کا فیصلہ
ایم این ایس زرعی یونیورسٹی کے زیر اہتمام مینگو میوزیم کے قیام کے سلسلہ میں ایک کور گروپ میٹنگ کا انعقا د کیا گیا ۔
میٹنگ کی صدارت وائس چانسلر جامعہ پروفیسر ڈاکٹر آصف علی (تمغہ امتیاز ) نے کی، میٹنگ میں مینگو گرورز ، مینگو ریسرچ انسٹی ٹیوٹ ملتان اور انڈسٹری کے لوگوں نے شرکت کی ۔
پروفیسر ڈاکٹر آصف علی نے کہا کہ مینگو میوزیم کا قیام خطے کی ترقی کیلئے انتہائی ضروری ہے ۔ ہر جگہ کی کوئی نہ کوئی خصوصیت ہوتی ہے جبکہ ملتان کی خصوصیت آم ہے اس لیے ہم چاہتے ہیں کہ اس خطے میں مینگو میوزیم بنایا جائے ، تاکہ نیشنل اور انٹرنیشنل سطح پر آم کی اہمیت سے اور اس خطے کو ابھارا جا سکے ۔
مینگو میوزیم نہ صرف لوگوں کو آم کی تاریخی اہمیت سے اجاگر ہوگی، بلکہ آنے والی نوجوان نسلوں کو مینگو بزنس کی طرف مائل بھی کرے گی ۔
اس مینگو میوزیم میںتاریخی ورثہ میں استعمال ہونے والی ٹیکنالوجی ، مختلف آم کی اقسام کی تفصیلات اور آم کے حوالے سے ڈاکومینٹری بھی رکھی جائینگی ۔
مینگو گرورز اور انڈسٹری کے لوگوں نے زرعی یونیورسٹی کی کاوش کو سراہا ۔
میٹنگ کے اختتام میں وائس چانسلر جامعہ پروفیسر ڈاکٹر آصف علی نے مینگو گرورز کے ہمراہ یونیورسٹی میں موجود ڈرائرڈ مینگو پلانٹ کا افتتاح بھی کیا ۔
اس موقع پر ڈین پروفیسر ڈاکٹر عرفان احمد بیگ، ڈین پروفیسر ڈاکٹر شفقت سعید ، پراگریسو فارمر میجر محمد طارق ، مظفرخان خاکوانی ، حیدر علی کاظمی ، جہانزیب دھرالہ ، آصف ٹیپو ، ڈاکٹر مبشر مہدی ، ڈاکٹر تنویر احمد سمیت آن لائن میڈیم رابعہ سلطان محمو دشاہ وحید احمد نے شر کت کی ۔
