زکریا یونیورسٹی کی الاٹمنٹ کمیٹی کا ہنگامہ خیز اجلاس؛ ممبران کا بائیکاٹ، میرٹ پر گھر الاٹ کرنے کا نوٹیفکیشن جاری
زکریا یونیورسٹی کی الاٹمنٹ کمیٹی کے اجلاس میں ہنگامہ ہوگیا۔
ذرائع کا کہنا ہے کہ ہفتے کو ہونے والے اجلاس کی صدارت رجسٹرار اعجاز احمد نے کی جس میں کورم فکس تھا مگر ایجنڈے میں درخواست گزاروں کی طرف سے بیان حلفی نہ لگانے سے شروع ہونے والا معاملہ طول پکڑ گیا، ایمپلائز یونین کے صدر کا موقف تھا کہ رفاق علی میرٹ پر پورا اترتا ہے اس لئے گھر کی الاٹمنٹ کی جائے، اس کی درخواست کئی برسوں سے مسترد کی جارہی ہے، تاہم رجسٹرار نے ان کاموقف ماننے انکار کردیا۔
اجلاس میں ریذیڈنٹ آڈیٹر کی طرف سے آنے والی سفارش پر کا ذکر کیا گیا اسی طرح سینئر افراد کی طرف سے آنے سفارشیں بھی زیر غور آئیں مگر ڈیڈ لاک ختم نہ ہوسکا اور اجلاس ملتوی کردیا گیا، جس کے بعد گزشتہ روز پھر اجلاس بلایا گیا۔
جاری اعلامیہ کے مطابق کمیٹی نے میرٹ پر ڈی کیٹگری کے گھر جن کو الاٹ کئے ہیں ان میں سجاد احمد، ریاض لودھی، محمد اور حمید اعوان شامل تھے جبکہ ای کیٹگری کے گھر جن کو الاٹ کئے گئے ان میں سوپئر چاندی، احمد یار، رانا عتیق الرحمن، انور شہزاد، سہیل مسعود شامل ہیں۔
دریں اثنا ملک صفدر حسین صدر جنوبی پنجاب آل پاکستان یونیورسٹیز ایمپلائز فیڈریشن کا کہنا ہے کہ
الاٹمنٹ کمیٹی کے اعجاز احمد رجسٹرار،پروفیسر ڈاکٹر مقرب اکبر ریذیڈنٹ آفیسر، چوہدری محی الدین ڈپٹی رجسٹرار(جنرل)، پروفیسر ڈاکٹر نوید احمد چوہدری ، ڈاکٹر فرزانہ کوکب ودیگر تمام ممبران کے شکر گزار ہیں کہ انہوں نے وائس چانسلر کی میرٹ کی پالیسی پر ملازمین بھائیوں کو سینیارٹی اور میرٹ پر مکان الاٹمنٹ کئے ہیں۔
