مزید ساڑھے دس ہزار سکولوں نجی شعبے کے حوالے کرنے کا فیصلہ

پنجاب میں رواں برس مزید ساڑھے دس ہزار سکولوں نجی شعبے کے حوالے کرنے کا فیصلہ

تفصیل کے مطابق حکومت کا پنجاب سکولز ریفارم پروگرام کے تحت مزید ساڑھے دس ہزار سکولوں کو پرائیویٹائز کرنے کا فیصلہ کرلیا ہے، اس اطلاع نے اساتذہ کو مزید تشویش میں مبتلا کردیا ہے اور ان پر بیروزگاری کے بادل چھانے لگے ہیں۔

ان کا کہنا ہے کہ اس سال مزید 10500 سکول پرائیویٹ ٹھیکیداروں کو دینے کا فیصلہ کرلیا گیا ہے، جہاں پہلے ماسٹر اور ایم فل ٹیچرز پڑھا رہے تھے، اب میٹرک اور انٹرمیڈیٹ پاس لوگ پڑھائیں گے کیونکہ ٹھیکیدار تھوڑے پیسوں میں ٹیچرز کو رکھیں گے کوالٹی ایجوکیشن کا خواب تباہ ہو جائے گا۔

انہوں نے حکومت سے مطالبہ کیا کہ اب سکولوں کی نجکاری کا سلسلہ بند کردے تاکہ تعلیم کے ساتھ کھلواڑ ختم ہوسکے ۔