آٹھویں جماعت کے بورڈ امتحانات کے انعقاد سے متعلق حتمی فیصلہ تاحال نہیں ہو سکا

آٹھویں جماعت کے بورڈ کے امتحانات کے انعقاد اور طریقہ کار کے حوالے سے انتظامیہ تذبذب کا شکار ہے، کم و بیش آدھا تعلیمی سال گزر چکا تاحال امتحانات کے طریقہ کار بارے فیصلہ نہ ہو سکا۔

پنجاب بھر کے لاکھوں طلباء و طالبات سمیت اساتذہ بھی پریشان ہیں کیونکہ پنجاب بھر میں آٹھویں جماعت میں 28 لاکھ طلباء و طالبات زیر تعلیم ہیں، طلباء کی رجسٹریشن، رولنمبر سلپس ، امتحانی سنٹرز ، سوالیہ پرچے کیسے تقسیم ہونگے، جوابی کا پیاں، امتحانی سنٹرز میں سوالیہ پیپرز کیسے تقسیم ہونگے، فیصلہ نہیں کیا جاسکا۔

معروضی و انشائیہ نمبروں کی تقسیم، کل نمبر ، پاسنگ مارکس کے امور طے نہ ہوسکے، اگلی جماعت میں پروموشن سمیت دیگر معاملات بھی طے نہ ہوسکے۔