زکریا یونیورسٹی کے شعبہ جات میں انڈسٹریل ایڈوائزری بورڈز کے قیام کا فیصلہ

زکریا یونیورسٹی ملتان کے وائس چانسلر پروفیسر ڈاکٹر زبیر اقبال نے تمام تدریسی شعبہ جات کو ہدایت جاری کی ہے کہ وہ فوری طور پر انڈسٹریل ایڈوائزری بورڈز کا قیام عمل میں لائیں۔

اس اقدام کا مقصد تعلیمی پروگراموں کو صنعت کی موجودہ ضروریات کے مطابق ڈھالنا، طلباء کو عملی دنیا کے تقاضوں سے روشناس کرانا، اور انڈسٹری و اکیڈیمیا کے روابط کو مضبوط بنانا ہے۔

ڈاکٹر زبیر اقبال نے کہا کہ یونیورسٹی تعلیمی و تحقیقی ترقی کے لیے صنعتی شعبے کے ساتھ مؤثر اشتراک کو کلیدی حیثیت دیتی ہے۔

انڈسٹریل ایڈوائزری بورڈز کی تشکیل سے نہ صرف نصاب کو بہتر بنایا جا سکے گا بلکہ طلباء کے لیے انٹرن شپ، روزگار اور تحقیق کے نئے مواقع بھی پیدا ہوں گے۔

تمام شعبہ جات کو ہدایت کی گئی ہے کہ وہ متعلقہ صنعتوں سے ماہرین کو بورڈز میں شامل کریں اور جلد از جلد پہلے اجلاس کا انعقاد یقینی بنائیں۔