سکالر ڈاکٹر زہرہ رسول کی پی ایچ ڈی مکمل

جامعہ زکریا کے شعبہ آئی ایم ایس کی پی ایچ ڈی اسکالر نے کامیابی سے تحقیقی مقالہ کا دفاع کر لیا۔

بتایا گیا ہے کہ انسٹیٹیوٹ آف مینجمنٹ سائنسز زکریا یونیورسٹی کی سکالر ڈاکٹر زہرہ رسول نے ڈاکٹر سیرت فاطمہ کی نگرانی میں اپنی پی ایچ ڈی ہیومن ریسورس میں مکمل کرلی ۔ انہوں نے کامیابی کے ساتھ اپنے تحقیقی مقالے کا دفاع کر لیا ہے۔

پی ایچ ڈی کے دفاع میں پروفیسر ڈاکٹر خرم شہزاد، ڈین فیکلٹی آف مینجمنٹ سائنسز، یونیورسٹی آف واہ، بطور بیرونی ممتحن شریک ہوئے۔

پروفیسر ڈاکٹر حسن بچہ نے ڈاکٹر زہرہ رسول کی انتھک محنت، فکری سنجیدگی اور علم کو آگے بڑھانے کے عزم کو سراہا۔

انسٹیٹیوٹ آف مینجمنٹ سائنسز کی جانب سے ڈاکٹر زہرہ رسول کو اس شاندار علمی کامیابی پر دلی مبارکباد پیش کی ۔