نہم کے امتحان میں پوزیشن لینے پر گورنمنٹ سکول کے طالب علم اور اہل خانہ کے لئے کتب اور کیش کا تحفہ

گورنمنٹ سمرا پبلک ہائی سکول ملتان کے طالب علم زین العابدین فاروقی ولد محمد ارشد نے جماعت نہم کے بورڈ امتحانات میں شاندار کارکردگی کا مظاہرہ کرتے ہوئے 519 نمبر حاصل کر کے سکول میں پہلی پوزیشن حاصل کی۔

گزشتہ روز پرائمری اسمبلی میں ان کے اعزاز میں ایک پروقار تقریب منعقد کی گئی، جس میں سینیئر ہیڈ ماسٹر خالد محمود خان اور اساتذہ نے انہیں کتابوں کے تحائف پیش کیے جبکہ سکول کی جانب سے پانچ ہزار روپے نقد انعام بھی دیا گیا۔

اس موقع پر ہیڈ ماسٹر خالد محمود کا کہنا تھا کہ ہم دل کی گہرائیوں سے زین العابدین فاروقی کو اس شاندار کامیابی پر مبارکباد پیش کرتے ہیں اور دعا گو ہیں کہ وہ آئندہ بھی اپنی تعلیم میں اسی طرح اعلیٰ کارکردگی دکھاتے ہوئے ملک و قوم کا نام روشن کریں۔