علامہ اقبال اوپن یونیورسٹی میں مختلف مضامین میں داخلے جاری

علامہ اقبال اوپن یونیورسٹی ملتان کیمپس کے ریجنل ڈائریکٹر قیصر عباس کاظمی نے کہا ہے کہ سمسٹر خزاں 2021ء کے پہلے مرحلے کے داخلے15جولائی سے جاری ہیں، جبکہ دوسرے مرحلے کے داخلے یکم ستمبر سے شروع ہونگے۔
پہلے مرحلے میں پیش کئے جانے پروگراموں میں میٹرک (جنرل)،میٹرک(درس نظامی)ثانوی عامہ،ایف اے جنرل(جنرل)،ایف اے درس نظامی(ثانوی خاصہ)،آئی کام،سر ٹیفکیٹ کورسز،ایم بی اے /ایم پی اے،بی ایس فیس ٹو فیس(بائیو کیمسٹری،کیمسٹری ،کمپیوٹر سائنسز،ریاضی،شماریات،فزکس،مائیکروبیالوجی) ایم فل(عربی،انگلش،اسلامیات(جنرل)،ماس کمیونیکیشن، پاکستان سٹیڈیز، کیمسٹری، ریاضی، فزکس، شماریات) جب کہ پی ایچ ڈی (انگلش، ہسٹری، اسلامیات (جنرل)، ماس کمیونیکیشن،کیمسٹری،فزکس) داخلے جار ی ہیں۔

میٹرک ،ایف اے،آئی کام کے داخلوں کی آخری تاریخ 6ستمبر جب کہ میرٹ بیسڈ پروگراموز( بی ایس،ایم بی اے/ایم پی اے(Col)،ایم فل، پی ایچ ڈی) کی آخری تاریخ23اگست2021 مقرر کی گئی ہے۔
میٹرک ، ایف اے/آئی کام پروگرامز کے پہلے سے جاری طلباء کے داخلہ جات 16۔اگست 2021سے شروع ہوں گے۔