سیلاب سے متاثرہ علاقوں میں سکولوں میں انسداد ڈینگی کارروائیاں کرنے کی ہدایت

محکمہ سکولز نے سیلابی پانی اترنے پر متاثرہ سکولوں میں بحالی کے کام کے ساتھ ساتھ انسداد ڈینگی کارروائیاں شروع کرنے کی ہدایت کی ہے۔

حکام کاکہنا ہے کہ سیلابی پانی اترنے پر مچھروں کی بہتات ہوگئی ہے، جس کی وجہ سے ڈینگی ، ملیریا پھیلنے کا خدشہ ہے۔

اس لئے سکولوں میں جہاں بحالی کاکام ہورہا ہے وہاں انسداد ڈینگی کی کارروائیاں بھی شروع کی جائیں اور روزانہ کی بنیاد پر رپورٹ ارسال کی جائے تاکہ تدریس کاعمل شروع ہونے سے قبل سکولوں کو مچھروں سے پاک کیا جاسکے ۔