کالجز اور یونیورسٹیوں کے اندر انسداد گداگری مہم شروع

محکمہ سکولز نے شاہراہوں اور بازاروں کے بجائے کالجز اور یونیورسٹیوں کے اندر انسدادگداگری مہم شروع کر دی۔

اس سلسلے میں جاری ہدایتی مراسلے کے مطابق تعلیمی اداروں میں ماہانہ بنیادوں پر گداگری کیخلاف سیشنز منعقد کیے جائیں گے۔

طلباء اور اساتذہ کی جانب سے پمفلٹس، بینرز اور پلے کارڈز بھی لگائے جائیں گے۔

حکام کا کہنا ہے کہ مہم کے ذریعے سوسائٹی میں گداگری کے مضر اثرات کو اجاگر کیا جائے گا۔