پنجاب ایجوکیشن فاؤنڈیشن نے بھرتیوں کا اعلان کردیا

پیف میں 100 سے زیادہ آسامیاں مختلف شعبوں میں خالی ہیں، یہ نوکریاں اچھی تنخواہوں اور مختلف عہدوں کے ساتھ پیش کی جا رہی ہیں۔

ڈپٹی ڈائریکٹرز کے لیے 18 آسامیاں ہیں، جن کی ماہانہ تنخواہ روپے 196,250 مقرر کی گئی ہے، اسسٹنٹ ڈائریکٹرز کی 26 نشستیں ہیں، جن کی تنخواہ روپے 131,250 ہوگی، آفیسرز (پروگرامز) کے لیے 40 نشستیں رکھی گئی ہیں، تنخواہ روپے 93,750 ہوگی۔

سبجیکٹ اسپیشلسٹ کے 8 عہدے انگریزی، ریاضی، سائنس اور اردو کے مضامین کے لیے مختص ہیں، اس کے علاوہ نیٹ ورک سپورٹ انجینئرز اور ایگزیکٹو اسسٹنٹس کے عہدے بھی شامل ہیں۔

ڈرائیورز کے لیے 10 نشستیں رکھی گئی ہیں، جن کی تنخواہ روپے 57,500 ہوگی، اہلیت کے لیے امیدواروں کی عمر 33 سے 40 سال کے درمیان ہونی چاہیے۔

تعلیمی قابلیت اور تجربے سے متعلق مکمل شرائط جلد جاری کیے جانے والے تفصیلی اشتہار میں شامل ہوں گی۔