پنجاب کے تمام سرکاری کالجوں میں سکیورٹی انتظامات مزید سخت کرنے کا حکم جاری

ڈی پی آئی کالجز نے مراسلے میں کہا ہے کہ داخلے اور اخراج کے لیے صرف ایک مرکزی گیٹ کھلا رکھا جائے، کالجوں میں وزیٹر رجسٹریشن اور سی این آئی سی تصدیق لازمی قرار دے دی۔

تمام کالجوں میں سی سی ٹی وی نگرانی اور باؤنڈری والز کی باقاعدہ جانچ کا حکم دیا گیا جبکہ فائر ڈرلز اور ایمرجنسی پلان ہر سیمسٹر میں لازمی کیے جائیں گے۔

خواتین سٹاف اور طالبات کے لیے خصوصی سیکیورٹی انتظامات کئے جائیں۔

مشکوک سرگرمیوں یا افراد کی فوری اطلاع پولیس کو دینے کی ہدایت کی گئی ہے جبکہ اینٹی ہراسمنٹ اور اینٹی ریگنگ پالیسی پر سختی سے عمل درآمد کا حکم دیا گیا ہے اور تمام کالجوں کو ماہانہ سکیورٹی آڈٹ رپورٹ جمع کرانے کی ہدایت کی گئی ہے اور کہاگیا ہے کہ سکیورٹی ایس او پیز کی خلاف ورزی پر تادیبی کارروائی کی جائے گی ۔