سکول انٹرنیز ٹیچرز کی بھرتی کے لئے درخواستوں کی وصولی شروع کردی گئی

پنجاب میں ساڑھے 12 ہزار اسکول ٹیچرز انٹرن کی بھرتی کے لیے درخواستوں کی وصولی شروع ہوگئی، اس سے قبل بھرتیوں کا آغاز 10 نومبر سے کرنے کا اعلان کیا گیا تھا، تاہم آن لائن ایپ میں ایس او پیز مکمل نہ ہونے کے باعث تاخیر ہوئی، امیدوار کو فی سکول درخواست کے ساتھ ایک ہزار روپے جمع کروانا ہوں گے، آن لائن درخواستیں جمع کروانے کی آخری تاریخ 21 نومبر مقرر کی گئی ہے۔

فیس کی وصولی پر اساتذہ اور امیدواروں کی طرف سے سخت ردعمل سامنے آیا ہے ان کا کہنا ہے کہ مہنگائی کے اس دور میں ایک ٹیچر کو مختلف سکولوں میں اپلائی کرنے کےلئے الگ الگ پیسے جمع کرانے کی شرط ظالمانہ اقدام ہے، وزیر تعلیم اس پر نظر ثانی کریں ۔