سکول ٹیچرز انٹرنیز کے آرڈرز آج جاری ہونے کا امکان

محکمہ سکول ایجوکیشن کا کہنا ہے کہ ساڑھے تیرہ ہزار سے زائدسکول ٹیچرز انٹرنز کے اپوائنٹمنٹ آرڈرز آج جاری کیے جائیں گے۔

اس حوالے سے محکمہ سکول ایجوکیشن کی اعلیٰ سطحی میٹنگ طلب کی گئی، جس میں ریکروٹمنٹ لیٹرز کے اجرا کے طریقۂ کار پر تفصیلی غور کیا گیا۔

محکمہ کے مطابق ایس ٹی آئیز کے اپوائنٹمنٹ لیٹرز متعلقہ سکولوں کے سربراہان خود جاری کریں گے، جبکہ سکول ہی اپوائنٹنگ اتھارٹی ہوں گے۔

حکام کا کہنا ہے کہ اس اقدام سے نہ صرف بھرتی کے عمل میں شفافیت آئے گی بلکہ سکولوں میں اساتذہ کی کمی بھی فوری طور پر پوری ہو سکے گی، جس سے تعلیمی سرگرمیاں مزید بہتر انداز میں جاری رہیں گی۔