پاکستان ریلوے ملتان ڈویژن میں یوم کشمیر منایا گیا
پانچ فروری یومِ یکجہتی کشمیر کے موقع پر پاکستان ریلوے ملتان ڈویژن کے زیرِ اہتمام کشمیری عوام سے اظہارِ یکجہتی کے لیے ایک پُرامن اور بھرپور ریلی نکالی گئی، جس میں ڈویژنل افسران اور مختلف شعبہ جات سے تعلق رکھنے والے افسران و ملازمین کی کثیر تعداد نے شرکت کی۔
ریلی میں ڈویژنل ٹرانسپورٹیشن آفیسر سجاد احمد واہگو، ڈویژنل مکینیکل انجینئر سیف اللہ جمالی، ڈویژنل سگنل اینڈ ٹیلی کام انجینئر اسامہ، ڈویژنل انجینئر ون ریحان صابر، ڈویژنل انجینئر تھری حاجی محمد، ڈویژنل میڈیکل آفیسر سمیت دیگر افسران و اسٹاف شریک تھے۔
ریلی کا آغاز ڈی ایس آفس سے ہوا اور ریلوے اسٹیشن چوک پر اختتام پذیر ہوئی۔
اس موقع پر شرکاء نے کشمیری عوام کے حقِ خودارادیت کے حق میں نعرے لگائے اور اس عزم کا اظہار کیا کہ پاکستان ریلوے کے افسران و ملازمین کشمیری بھائیوں کی جدوجہد میں ان کے ساتھ کھڑے ہیں۔
