پنجاب بھر کے تمام تعلیمی ادارے آج معمول کے مطابق کھل جائیں گے

پنجاب بھر کے تمام سرکاری و نجی اسکول اور تعلیمی ادارے آج اپنے مقررہ شیڈول کے مطابق کھل جائیں گے، تدریسی سرگرمیاں معمول کے مطابق جاری رہیں گی۔

واضح رہے کہ حکومتِ پنجاب نے ضلعی انتظامیہ کی سفارش پر 6 فروری کو لاہور میں بسنت کے موقع پر مقامی تعطیل کا اعلان کیا تھا۔ اس فیصلے کا مقصد شہریوں کو بسنت کی تقریبات میں محفوظ اور پُرامن انداز میں شرکت کا موقع فراہم کرنا تھا۔

ذرائع کے مطابق یہ مقامی تعطیل صرف لاہور تک محدود تھی اور اس کی منظوری صوبائی حکومت نے ضلعی انتظامیہ کی تجویز پر دی تھی، تاہم بعد ازں پورے صوبے میں چھ اور سات فروری کی چھٹی کردی گئی۔

محکمہ تعلیم نے والدین اور طلبہ کو ہدایت کی ہے کہ وہ تعلیمی حاضری کو یقینی بنائیں اور اسکولوں میں معمول کے مطابق تعلیمی سلسلے میں حصہ لیں۔