میٹرک اور ایف ایس سی کے پریکٹیکل امتحانات 2026 کی پالیسی جاری
میٹرک اور ایف ایس سی کے پریکٹیکل امتحانات 2026 کے انعقاد سے متعلق اہم ہدایات جاری کر دی ہیں۔
جاری کردہ اعلامیے کے مطابق پریکٹیکل امتحانات مقررہ شیڈول کے تحت سخت نگرانی میں منعقد کیے جائیں گے، جبکہ امتحانی شفافیت اور نظم و ضبط کو یقینی بنانے پر خصوصی زور دیا گیا ہے۔
تمام متعلقہ اداروں کے سربراہان پریکٹیکل امتحانات کے دوران امتحانی قوانین پر سختی سے عملدرآمد کو یقینی بنائیں گے۔
طلباء کی حاضری، پریکٹیکل ریکارڈ، لیبارٹری آلات اور امتحانی عملے کی ذمہ داریوں کے حوالے سے بھی واضح ہدایات جاری کی گئی ہیں۔
اعلامیے میں کہا گیا ہے کہ پریکٹیکل امتحانات کے دوران کسی قسم کی کوتاہی، غفلت یا قواعد کی خلاف ورزی ناقابلِ برداشت ہوگی، جبکہ خلاف ورزی کی صورت میں متعلقہ عملے کے خلاف کارروائی عمل میں لائی جا سکتی ہے۔ اس کے علاوہ امتحانی مراکز پر نظم و ضبط برقرار رکھنے اور امتحانی مواد کی حفاظت کو بھی لازم قرار دیا گیا ہے۔
ایس پی ڈی ایف نے متعلقہ حکام کو ہدایت کی ہے کہ وہ جاری کردہ احکامات سے تمام اساتذہ، امتحانی عملے اور طلبہ کو بروقت آگاہ کریں تاکہ امتحانات شفاف، منصفانہ اور پُرامن ماحول میں مکمل کیے جا سکیں۔
